ТОҶИКИСТОН

Тоҷикистон, сарзамини поки аҷдодии
ман,
Кишвари озодаам, дунёи озодии ман.
Эй ватан, ҳастии ман, обу гилам, ҷону
дилам,
Орзуву ормони ман, ғаму шодии ман.

Ҳар касе нағзат набинад, дидаи ӯ кӯр
бод!
Ҳар дилозоре агар ранҷат диҳад,
ранҷур бод!
Мегузорам обу хокатро сипоси
ҷовидон,
Хонадони посдорони ту пур аз нур бод!

Тоҷикистон, остони бахти ман,
фархунда бош!
Тоҷикистон, ошёни меҳри ман, поянда
бош!
Меҳани тоҷику даргоҳи умеди
тоҷикон,
Дар талоши зиндагонӣ зинда бошу
зинда бош!