Ёқуб чанд бор ӯро ба Кадуҷӣ оварданӣ шуд, аммо мардуми Каримбердӣ намонданд.

Махсум ҳам ба таълиму тарбияи ҷигарбандонаш аҳамияти хос медод. Самараи ҷаҳди ӯ, панду андарзи Мулло Қурбоналӣ - падари бузургвор, мадади рӯҳи ниёгони барӯмандаш кулли фарзандон соҳибилму соҳибҳунар ба воя расиданд. Аҳмадхон - иқтисодчӣ, чанд сол раиси Комбинати хӯроквории пойтахт буд, Шарифхон - ҳуқуқшинос баъди хатми ДДМТ аввал муфаттиши прокуратураи ноҳияи Марказӣ, соли 1998 ба вазифаи сарпрокурори ҳарбии Ҷумҳурии Тоҷикистон таъин шуд. Соҳиби унвони генерал-майор аст, Абдулло - ховаршинос, ҷонишини Раиси иттиҳодияи таъмиру истифодаи мелиоративии шаҳри Душанбе мебошад. Тиллохон бошад ҳуқуқшинос аст, аз соли 1999 баъди хатми Донишгоҳ дар Прокуратураи ноҳияи Фрунзеи пойтахт муфаттиш аст.