ДУХТАРИ ПОРСО

Бибии Ойтиллои Ҳоҷӣ ягона духтари Махдуми Абдулмаҷид мебошад. Аз хурдӣ пеши падар таълими асосҳои исломро аз бар намуд. Баробари бародарони илмҷӯю фарҳангдӯсташ камар баст, аллакай дар синни 12-солагиаш дониши ӯ хеле боло рафт, акнун ба дугонаҳову дӯстони хеш гоҳ-гоҳ сабак медод. Духтари порсо ва хушрафтори ҳамсабақашро Эшони Саидумар (мулаққаб ба Эшони Тӯтии Гӯлак), ки шариктаҳсили Эшони Алоаспа дар Бухоро буд, хеле писандид ва ба сунхорӣ пазируфт. Писари ӯ, яъне Эшони Бадриддин низ ҷавони соҳибфазлу худодод буд. Тибқи нақли дӯстони оила эшонбача дар айёми наврасӣ як шаб дар хобаш Хӯҷаи Сабзпӯшро мебинад ва аз ӯ сабак мегирад. Баъди ин ҳодисаи нодир ӯ ба зеҳни фавқулоддаи донишандузию пешгӯй молик гашт; яке аз уламоҳои донишманду соҳибкаромате буд, муридону сӯфиёни бисёре тарбия кардааст. Махдуми Бадриддин моҳи апрели соли 1981 олами фониро падруд гуфт. Бибии Ойтилло бо кӯмаки фарзанди баномусу саховатпешаи акааш Абдулмаҷид - Махсуми Хайрулло ба Ҳаҷи Акбар ноил гашт. Айни ҳол бо фарзандонаш сокини хоҷагии «Ленинград»-и ноҳияи Вахш аст. Писараш Шамсиддин раиси ҳамин хоҷагист. Дигар фарзандонаш Фазлиддин, Шамсиддин, Муҳаммад, Соира, Алиҷон, Сайидамир, Фариштамо дар ҷабҳаҳои мухталифи зиндагӣ заҳмат кашида, дар боби эҳтирому риояи ислом, меҳнат, оиладorӣ, илму касб намунаи ҳамдеҳагонанд.