Тритикале нисбати зерихок кунии тухмиҳояш бисёр ҳассос аст. Дар шароити мўътадили намнокии хок ва нағз тайёр кардани он 5-6 см чуқури басанда аст.
НИГОҲУБИНИ КИШТЗОР. Нигоҳубини киштзор чора-биниҳои зеринро дар бар мегирад: ғизодиҳӣ, муборизаи зидди алафҳои бегона, касалиҳо, ҳашаротҳои зараррасон ва аз сармо ҳифзкунӣ. Дар давраи нашъунамои тритикале намнокии хок бояд 70-75% аз НК бошад. Барои нигоҳ доштани ин миқдор намнокӣ вобаста ба шароити иқлимию минтақавии минтақаҳо киштзорҳоро 3-5 маротиба бо меъёри 650-750 м3/га об мемонанд.
ҒУНУЧИНИ ҲОСИЛ. Ҷамъоварии ҳосил дар мўҳлатҳои мувофиқ яке аз омилҳои асосии камшавии талафоти дон аст. Ҳосили тритикалеро бо комбайнҳои ғалладарав бо усули дарави яклухт ҳангоми пурра расидани дон меғундоранд.