Ба ин касалӣ, махсусан ғилофакноз бештар паҳн мешавад. Ба ин касалӣ, махсусан ғилофакҳо дар давраи нашъунамо гирифтор мешаванд. Касалии дигаре, ки ба он лубиё гирифтор мешавад, фузариоз аст. Ба ин касалӣ асосан майсаҳо гирифтор гашта, нест мешаванд. Растаниҳои калон бо силсилаи рагҳояшон ба фузариоз гирифтор шуда, дар натиҷа хушк мешаванд. Растаниҳои ба касалии занг гирифторшуда аз баргу поя хуш мешаванд. Кишти тухмии навъҳои солим, ки ба касалиҳо, устуворанд ва муҳайёю риоя намудани маҷмўи чорабиниҳои агротехникӣ воситаи асосии муборизаи зидди касалиҳо мебошад. Усули муборизаи кимиёвӣ низ истифода бурда мешавад. Ба муқобили касалии антракноз маҳлули 1% моеъи бордоссӣ ва ба муқобили ширинча маҳлули 0,5-1,0% ИСО истифода бурда мебаранд.
Барои нест кардани алафҳои як ва дупаллагӣ заҳрдоруи герзагарду 50-60 х.т. бо меъёри 3 кг ва садорати 350-400 л/га моеъи корӣ истифода бурда, ё ин ки 3 кг/га маҳлули кори заҳрдоруи зеризимро мепошанд.
ПУХТАН ВА ҒУНУЧИНИ ҲОСИЛ. Ҳосили лубиёро баробари зард шудани аксарияти ғилофакҳо ва сахт шудани дона шва мошро баробари сиёҳ шудани ғилофакҳо ва сахт шудани донаш ғунучин мекунанд. Агар ин мўҳлат риоя карда шавад, ғилофакҳои поёнӣ кафида донҳо мерезанд.
Ҳосилро беҳтараш пагоҳӣ ҷамъ овардан лозим. Навъҳое, ки ғилофакҳояш дар қисми поёнии поя ҷойгир шудаанд, барои ҷамъоварии механики ҳосил ноқулай мебошанд. Лубиёро ба воситаи комбайнҳои мувофиқкунонидашудаи ғаллагӣ бо буриши пасти пояҳо ва ба воситаи мошинаҳои махсуси лубиёғундоранда низ медараванд. Дар вақти истифодаи усули дудаврагӣ дар мадди аввал лубиё ва мошро бо мошинҳои алафдарав даравида ғарам мекунанд. Баъди хушкшавӣ барои ғун карда гирифтани ғарамҳо ва кўфтани онҳо аз комбайнҳо истифода мебаранд.
Комбайнҳо бояд хуб танзим карда шуда, ба майдашавии донҳо роҳ надиҳанд. Устувонаи (барабан) мошинаи кўбанда бояд дар як дақиқа 400-500 маротиба чарх занад.