Низом Қосим

додани унвонҳои тўлонӣ ҳам худ ба худ эътиборашонро зиёд намекунад. Аз ин рў, бо кўтоҳу фаҳмо Донишгоҳи миллӣ, Донишгоҳи омўзгорӣ (агар Донишгоҳи Саъдӣ мешуд, хубтар буд, чунки куҷост бузургтару барҷастатар аз ў омўзгоре!), Донишгоҳи тиббӣ (Донишгоҳи Сино бигўем, беҳтар!), Донишгоҳи техникӣ (Донишгоҳи Осимӣ бигўем, беҳтар!) гуфтан иктифо карда, ба ҳунару малакаи шогирдон бештар диққат бидиҳем, хубтар аст.
Барои даҳҳо вазорату идораҳои дигар ҳам метавон тоҷикона кўтоҳу пурмаъно ном пешниҳод намуд ва дар ҳамин радиф боз мешавад паҳлуҳои зиёди масъалаи номгузориро зикр кард. Вале дар ҳар ҳол хулоса ягона хоҳад буд: бояд идораи босалоҳияте (вазорат ё кумитаи давлатӣ) бошад, ки масъулияти ин масъаларо пурра бар дўш бигирад, дар ин самт омўзишу тадқиқот бикунад ва зимни он ба қарорҳои оқилонаи ҳатмӣ расида, ному номгузории пурмаънӣ, табиӣ ва зебои миллиро ба ҳукми қонун бидарорад.

1999