КАДОМ ҲАЙВОН САДОИ
БАЛАНД ДОРАД?

Садои маймуни алонут, ки дар Амрикои Ҷанубӣ зиндагӣ мекунад, аз ҳама баландтар аст. Хусусан, овози маймуни нарина хеле гӯшхарош буда аз дуриҳо шунида мешавад. Ин гуна маймунҳо бо овози худ якдигарро аз ҷои мусоиди зист ва таҳдиди хатар огоҳ месозанд.

ЧАРО ШИРХӮРҲО ИЗИ БӮЙДОР МЕГУЗОРАНД?

Баъзе ширхӯрҳо, масалан гурба ва саг, моеи махсусе хориҷ мекунанд, ки феромон ном дорад. Ғадудҳои феромонӣ дар ҳар қисми бадани онҳо, аз ҷумла дар кафи пойҳояшон низ мавҷуданд. Вақте ҳайвон дар замин ё шохи дарахт ҳаракат мекунад, аз худ пайи бӯйнок мегузорад. Ҳайвонҳои дигар аз рӯи ин бӯй дармеёбанд, ки аз кадом ҳайвон аст.
Онҳо аз паҳншавии бӯй оид ба синну сол, ҷинс, вазъи саломатӣ ва дигар махсусиятҳои ҳайвони пайгузошта дарак меёбанд.