ПОДАИ ҲАЙВОНОТ

Бисёр ҳайвонҳо гала шуда ҳаёт ба сар мебаранд. Ин тарзи зиндагӣ аз чанд ҷиҳат муфид аст, масалан, барои ҷустани ғизо ва ҳимоя аз дарандагон. Ҳар яке аз ин галаву селаҳо ба худ сарвар дорад. Сарвар метавонад нарина (дар миёни гориллаҳо ва шерҳо), модина (дар миёни филҳо) ё аз ҷуфти оилавӣ (дар байни гургҳо) бошад.

КАЛОНИ ХОНА КИСТ?

Дар байни дарандаҳои гурбашакл шерҳо гурӯҳ-гурӯҳ зиндагӣ мекунанд ва якҷоя ба шикор мебароянд. Шерҳои модина дар нигоҳубини бачаҳо ба якдигар ёрӣ медиҳанд. Оилаи шер аз чандин модина бо бачаҳо ва як ё чанд наринаи калонсол иборат аст. Асосан шерҳои модина ба шикор мебароянд, вале ба сайди афтода аввалин шуда, шери нарина даҳон мезанад.