---

Касбу ҳунари худро дӯст дор. Коратро ҳалол карда, нони ҳалол бихӯр. Бисёр ҳунарҳоро аз худ намо. Мегӯянд, ки ба мард чил ҳунар кам аст, ин ҳақ асту рост.

---

Табиатро дӯст дору саломатиатро аз он биҷӯй.

---

Бо хайру босаховат бош! Мегӯянд, ки «Сахӣ дар ҳарду олам сарбаланд аст». Ин ҳақ асту рост.

---

Одамонро, ки корафтодаат бошанд, озор мадеҳ!

---

Ҳама вақт Худоро дар қалбат шумор. Пайғомбаронро ёд бикун.

---

Дар ҳама ҷо, хусусан дар масҷид ғайбат накун.

---

Сари ятимонро сила кунед. Мегӯянд, ки сари ятимонро сила кунӣ, рисқат афзун мешавад.

---

Бе бисмиллоҳ нон нахӯр, ки шарикат шайтон мешавад.

---

Ба қадри илму китоб бирас. Аз он ҳама чизро биомӯз, ҳар манфиате мебинӣ, натиҷааш аз хондани китоб аст.

---

Ба кулбаи дӯстон бисёр наравед, ки хору залил мешавед.
Кам равед, боқадр мешавед.

---

Дар давра ҳар суханеро, ки бехашро намедонию воқеаашро надидаӣ нақл накун. Мегӯянд, ки: «Шунидан кай бувад монанди дидан».

---

Ҳарчӣ коридӣ, ҳосил аз он бидравӣ. Бад кардӣ, бадӣ мебинӣ. Некӣ кардӣ, некӣ мебинӣ.

---

Дар зиндагӣ падару модарро гиромӣ бидор. Аз гуфтаҳояшон берун набаро.