ДАВЛАТ ЧИСТ

Буд-набуд, як марди бадавлат буд. Се писар дошт ӯ.
Рӯзе нисбати ин хонадон байни ду ҳамсояи ӯ гуфтугӯ ба амал омад:

• Ҳамсоя, мо ҳам мисли ҳамин ҳамсоямон заҳмат мекашем, кор мекунем, ҳамеша дар тараддуд, вале сабаб чӣ бошад, ки ӯ бадавлат асту мо не?
• Инро аз худи давлат пурсидан лозим, - гуфт ҳамсоя.
  Ҳамсояҳо давлатро пеши худ хонданду ба ӯ гуфтанд:
• Сабаб чист, ки ту ба ин ҳамсояи мо ёр ҳастию ба мо не?
  Давлат гуфт:
• Шумо мехоҳед инро донед?
• Ҳа мехоҳем, - гуфтанд ҳамсояҳо.
• Ин тавр бошад, ман аз хонадони ӯ рафтагӣ мешавам, бинед чӣ мешавад.
  Баъди ин давлат ба бой гуфт, ки мехоҳад хонадони ӯро тарк бикунад.
  Бой ба ҳар се писараш алоҳида-алоҳида маслиҳат кардагӣ шуда, аввал аз писари калонӣ пурсид:
• Писарам, давлат аз хонадони мо меравам мегӯяд, ту ба ин чӣ мегӯӣ?
• Рафтагӣ бошад равад, ба мо давлат не, тифоқӣ даркор, - гуфт писари калонӣ.
  Баъди ин бой аз писари миёна пурсид. Писари миёна ҳам гапи писари калониро гуфт. Баъд бой аз писари хурдӣ пурсид:
• Писарам, давлат аз хонадони мо меравам мегӯяд, ту ба ин чӣ мегӯӣ?
• Давлат равад, раваду тифоқӣ наравад, моён тифоқ зиндагӣ кунем, давлат ҳеҷ ҷо намемеравад, - гуфт писари хурдӣ.