ТАЛХИРО РАВО НАМЕБИНЕМ

Ҷавоне аз чойхоначӣ илтимос кард:
– Амак, чойро андаке талхтар кунед.
– Шери амак, мо ба дӯстон талхиро раво намебинем, – ҷавоб дод чойхоначӣ.

БУЛБУЛИ ГЕЛОСХӮР

Рӯзе булбул ном писарбачае ба боғ гелосхӯрӣ даромадааст. Ногоҳ боғбон дар болои дарахт гелосхӯрии ӯро дида, гуфтааст:
– Бача, чӣ ном дорӣ?
– Булбул, – ҷавоб додааст ӯ.
– Агар булбул бошӣ, бихон, – хоҳиш кардааст боғбон.
Боғбон овози гӯшхарошу нофорами ӯро шунида, гуфтааст:
– Наход, ки булбул ҳамин хел хонад?
Бача аз болои дарахт ҷавоб додааст:
– Булбулии гелосхӯр ҳамин хел мехонад.

БАЧАҲО ВА ПИРАМАРД

Рӯзе бачаҳо болои девор баромада, роҳгузарҳоро тамошо мекарданд. Ногоҳ чашмашон ба пирамарде афтод, ки бузеро кашолакунон мебурд. Буз бо тамоми овозаш дод мезад. Бачаҳо аз ин ҳол ба завқ омада, аз пирамард пурсиданд: