Дар он рӯзҳои фаромӯшнашавандаи фатҳи коинот кайфи Хорпуштак аз шодмонӣ ва ифтихор ба фалак дакка мезад. Вай аз хурсанӣ ба куртааш намеғунҷид ва ба худ ҷои нишаст намеёфт. 11 август киштии фалакпаймои «Шарқ-3» ба мадори замин баромад ва бар он киштӣ одами советӣ, саввумин кайҳоннаварди мо — майор Андриян Николаев савор буд.

Хорпуштак аз шодӣ қабат-қабат гӯшт гирифта, гӯшаки Оинаи ҷаҳоннамои худро тофт ва беихтиёр хитоб кард:

— Эй сайёраҳои осмонӣ, эй фалаки ҷомакабуд, эй бошандагони коинот! Пӯшт, пӯшт! Роҳ диҳед, ки фалакпаймои советӣ Николаеви қаҳрамон омад!

Ҳамаи сайёраҳо ба пешвози намояндаи Замин худ аз худ бо зару зевар, дурру ҷавоҳир ва лаълу забарҷад оро дода баромадаанд. Ҳусусан арӯси осмон — Моҳи то-