АЗ РӮИ ЭҲТИЁТ

— Сардорат як маротиба атса доду чаро ту се маротиба «саломат бошед!» гуфтӣ?

— Охир, пагоҳ рӯзи истироҳат, — гуфт Хушомадхӯҷа, — мумкин аст дар хонаашон боз як чанд бор атса диҳанду ман бехабар монам.

«КОМИССИЯ МЕОМАДААСТ»

Колхозчизане ба дугонааш гуфт:

— Имрӯз ба колхози мо комиссия меомадааст.

— Аз куҷо медонӣ?

— Намебинӣ, ки занони раис, бригадир ва бухгалтер ба кор баромадаанд.

«ДАРСИ МЕҲНАТ МЕДИҲАМ»

Мудири як мактаб бачаҳоро ғайриқонунӣ дар иморати хонаи худ кор мефармуд. Падари яке аз бачаҳо аз мудир савол кард:

— Барои чӣ бачаҳоро имрӯз нахононда, кор мефармоед?

— Мебахшед, ман бо онҳо дарси меҳнат мегузаронам.

«ФОТИҲАРО ГАРДОНДАМ»

— Домоди нав муборак, Ҷӯрабой! — пурсиданд аз марде, ки ба қалингирӣ одат карда буд.

— Эй монед, нашуд.

— Барои чӣ?

— Ҳавливу «Волга» аз они худаш набудааст, фотиҳаро гардондам.