ДАР СИРК

Дар сирк найрангбози чашмбанд аз даруни телпаки холӣ дар як сония 50—60 дона тухм баровард. Раиси колхоз, ки ин ҳолатро бо ҳайрат тамошо мекард, ба шарикаш гуфт:
— Ана, ин найрангбозро ба кори колхоз таклиф кунем-чӣ?
— Ба сарамон мезанем?
— Эй нодон! Мудири фермаи мурғпарварӣ таъин мекунему бо ҳамин аз ташвиши мурғу тухмсупорӣ халос мехӯрем.

«ОЁ МУМКИН АСТ?»

Дар Испания духтур ба беморе, ки бо дарди дандон ба назди ӯ омада буд, гуфт:
— Даҳонатонро калон кушоед!
— Ҷаноби духтур,— гуфт бемор бо ваҳм,— ба шумо чӣ шуд? Оё дар ин мамлакат озодона даҳон кушодан мумкин аст?

САБАБИ ЭҲТИРОМ

— Ба ин муаллим пеш дуқат шуда саломи қуюқ медодӣ. Ин вақтҳо салом додан он тараф истад, ҳатто нигоҳ намекунӣ?
— Аз имтиҳони он кас кайҳо сиҳат ва саломат гузаштам. Дигар ба салом додан эҳтиёҷе нест.

НАМАКАШ АЛОҲИДА

Муҳаррир ба муаллифе гуфт:
— Асаратон ҳеҷ намак надорад-ку?
Муаллиф ба халтае ишора карда гуфт:
— Ғам naxӯред: намакашро алоҳида овардам.