Яке аз роҳҳои нисбатан бештар таъминкунандаи бехатарӣ дар танаи девор часпондани банкомат мебошад. Дар ин ҳолат дар кӯча, минтақаи барои мизоҷон дастрас танҳо қисми пеши банкомат намудор шуда меистад. Қисми боқимондаи банкомат, ки дар он асбобҳои идоракунии банкомат ҷойгир аст ва аз онҳо ходимони бонк бояд истифода баранд, дар дохили бино меистад.

Дар қуттӣ асбобҳои зерин ҷойгир аст:

• асбоб барои қабул ва ҳисоб кардани кортҳо;

• асбоб барои додани пули нақд, кассетаҳо ва базаи

  маълумот;

• протсессори марказӣ;

• НМД (винчестер) барои нигоҳ доштани таъминоти

  барномавӣ ва базаи маълумот;

• НГМД (флоппи-дисковод) барои табодули иттилоъ ба

  воситаи дискетаҳо;

• асбобҳои алоқа;

• асбобҳои идоракунӣ;

• блоки нерӯи барқ. Асбобҳои дохили банкомат дар акси

  1.3 ифода шудааст.

Дар асбоби қабул ва ҳисоб кардани кортҳо маъмулан пардаи махсусе гузошта шудааст, ки аз шикастан муҳофизат менамояд. Асбоби мазкур ноқили барқӣ ва ҳисобкунак дорад.

Ноқили барқӣ барои ба дарун кашидани корт ҳангоми ба сӯрохии барои гузоштани кортҳо пешбинишуда хизмат мекунад. Ҳангоми ба дарун кашидан майдони магнитдори корт аз паҳлӯи головкаи ҳисобкунак мегузарад ва ахбори дар корт мавҷудбударо мехонад. Асбоб кортро баъди хондан ба берун мепартояд.