-Чияш аҷиб?
-Ҳамааш.
- Замоне Усмон дар ҳамин ҷо кор мекард, аз рўӣ вай шуда мо чанд маротиба ба милиса даъват шуда нишондод додем.
-Барои кадом гуноҳаш?
-То ҷое мо фаҳмидем, ў тариқи интернет сайти муҳофизатии кадом як бонкеро кушодан хостааст.
-Аминам барои ин гуноҳаш ўро ба маҳкама кашиданд, - худро ба нодонӣ зада пурсидам ман.
-Агар вайро ба маҳкама мекашиданд, ба ростӣ як кори хайреро анҷом медоданд, вале афсӯс ки чунин нашуд.
-Ба фикрам, шумо нисбати вай чандон андешаҳои нек надоред.
-Чӣ хеле гуфтам, вай як худозада аст.
-Далел.
-Чӣ хел далел?
-Барои шахсро гунаҳкор намудан далелҳои эътимоднок лозим, дар акси ҳол ҳама гуфтаҳоятон лойи хушкро мемонад.
Лой хушк бошад, ба девор намечаспад.
-Боз чӣ?
-Дар он сурат шунаванда фикр мекунад, ки шумо дар нисбати вай туҳмат намуда истодаед. Туҳмат бошад, оқибати хуб надорад.
-Нафаҳмидам.
-Барои туҳмат дар қонун ҷазо пешбинӣ шудааст.
-Истед, ки шумо милиса ҳастед ё адвокат.
-Милиса.
-Пас агар милиса бошед, чаро ба ҳимояи нафаре даст заданӣ мешавед, ки аз дасти вай чандин оилаҳо вайрон шуда.
-Аз дасти кӣ?
-Аз дасти ҳамон худозадае, ки, ба фикрам шумо, барои пуштибонаш дасту остин барзаданиед.
-Ҳаргиз чунин нест.
-Аз суханҳоятон маълум, ки шумо вайро ҳимоя намудан мехоҳед.
-Ман, ки боре ҳам вайро надидаам, чӣ тавр метавонам ҳимояаш намоям.
-Пас агар чунин аст, ин ҳама таваҷҷуҳатонро сабаб чист?

Дар бораи китобАсарҳои мунтахаб ҷилди 5Аз аввал хондан




