Зеҳн
Асарҳои мунтахаб ҷилди 5

Саҳифаи 211 аз 499 · 2 ноябри 2026

АГ
Агенти ЗеҳнӣСаҳифаи 211 аз 499 · 2 ноябри 2026

-Онро биёред!
-Забонхатро?
-Не, китобро
-Бошад.
Баъди ба даст гирифтани китоб ман оҳиста он коғази дуқатшударо кушодам ва чун ба забонхат буданаш боварӣ ҳосил намудам, онро байни ҳамон китоб гузошта гуфтам:

  • Бо иҷозаи шумо китобро якҷоя бо забонхат гирифтанамон лозим меояд, вале ман ваъда медиҳам, ки китобро боз бармегардонам.
    -Дар вазъе, ки ман қарор дорам, роҳи дигареро ҳам намебинам.
    -Бо ҳамин шумо миссияи хешро анҷомёфта напиндоред.
    -Боз чӣ?
    -Боз як маротиба рафтани шумо ба милиса ҳатмист.
    -То кунун фикр доред, ки ман қасд ба ҷони Солеҳ Қамар намудаам?
    -Ҳамин забонхат басанда аст, ки мо ному насаби шуморо аз рўйхати гумонбаршудагони ҳодисаи мазкур хат занем.
    -Пас сабаби даъвати банда ба милиса чист?
    -Моро ба ҷуз гирифтани изи дастони шумо чорае нест.
    -Аз рӯйхати гумонбаршудагон ному насаби бандаро хат задан мехоҳед, вале боз изи дастонамро гирифтанӣ ҳастед, ҳеҷ мақсаду мароми шуморо нафаҳмидам.
    -Ин ҷо айб на дар ош , балки дар мош аст.
    -Равшантар карда мақсадатонро фаҳмонед.
    -Ҳамагӣ ду рўз пеш мо гуфтем, ки агар ташхиси хатшиноси забонхатро ба хати навиштаи Солеҳ Қамар мансуб донад, тафтишотро дигар ғуборе дар нисбати шумо нест, ё нагуфтем?
    -Гуфтед.
    -Боз гуфтем, ки шояд забонхати додаи Солеҳ Қамар боиси марги дигаре ҳам шуда бошад ва агар хотираи банда гум нашуда бошад, ман ному насаби ҳамон нафарро ҳам гуфтам.
    -Не, ному насабашро нагуфтед, вале ишора ба он намудед, ки вай ҳамон иҷоранишини хонаи ман дар кӯчаи Парвин аст.
Дар бораи китобАсарҳои мунтахаб ҷилди 5

499 саҳифа

Аз аввал хондан