"МНА-35" роҳ надиҳед, ки кормандон-ронандаҳои Шумо ба таҳдид гузаранд. Чӣ тавре, ки дар аризаи шикоятӣ бо имзои 21 нафар ронандаҳои Шумо омадааст:

"Ба ҳар кӯчаҳо рафтанаш аз ақл дур нест", "мо ба ҳар кӯча тайёрем, ҷои кории худро ба дигар кас намедиҳем".

Шумо дар ҳама ҳолат барои рафтор, гуфтори ахлоқӣ ва сиёсии ронандаҳоятон ҷавобгар буда, дар ҳолати ба миён овардани бетартибӣ ҷавоб хоҳед гуфт. Сониян, ин ҳама натиҷаи меҳнати чандинсолаи Шумо буд, ки ҳамагӣ эътироф накардани амру фармонҳои мақомоти болоӣ бо истифода аз "мо", "мекунем" одат кардаед. Ҷои кории Шумо на аз тарафи шахсони алоҳидаву иғвогар, балки аз тарафи идораку мақомоти дахлдор дар мувофиқа маълум карда шуда, тибқи ҷадвали тартиб дода шуда, соҳиби хатсайр мешавед.

Шумо ва онҳое, ки "ҳақиқатро барқарор карданиед" фаромӯш накунед, ки фаъолияти Вазорат дар шакли яккасардорӣ ба роҳ монда шуда, пеш аз ҳама дар асоси талаботи Сарқонуни Ҷумҳурии Тоҷикистон, фармон, амр, супориш ва қарору қонунҳои Ҷумҳурии Тоҷикистон ва сиёсати пешгирифтаи Президенти кишвар амал менамояд, монед, ки "Узви ММ МО ҶТ намояндаи Президенти ҶТ" (дар аризаи Шумо омадааст) аз паи иҷроиши вазифаҳои аз тарафи Президенти Ҷумҳурии Тоҷикистон ва Ҳукумати Ҷумҳурии Тоҷикистон гузошташуда, шаванд. (банди 7, Қарори Ҳукумати Ҷумҳурии Тоҷикистон №602 аз 28.12.2006).

Сониян, ин протоколе, ки аз 03.04.2009 бо имзои масъулин чун замима пешниҳод кардед то кадом дараҷа "одилона", то соати 01:45 дақиқаи нимаи шаб тӯл кашиданаш, маҷбур шуда имзои кардани гурӯҳи кории Вазорат ба мо маълум буда, мавқеи ҳар як иштирокчӣ пурра омӯхта шуда, вақти хулосабарорӣ ба инобат гирифта шудааст.

Вазир: (имзо) Абдураҳим Ашӯр