ва сарвари одил доштан, оила ва фарзанд доштан, ватан доштан ва дар ватан шуғл доштан, дар шароити хуби экологӣ зистан.

982. Алоқамандии инкишофи иқтисодӣ ва инкишофи башарӣ — молиягузории инкишофи инноватсионӣ ва моликияти зеҳнӣ дар менеджменти эволютсионӣ, таъмини одилонаи тақсимоти даромад ва фоида, ташкили мувозинати инкишофи иқтисодию иҷтимоӣ ва инкишофи мадании менеджмент, таъмини интихоби озоди иқтисодию сиёсии кормандон, мақсадгузории менеджмент, ки инкишофи маданӣ ва инноватсиониро таъмин месозад.

983. Унсурҳои инкишофи хештаншиносии кормандон дар менеджмент — рушди босуботи башарӣ, сармояи иҷтимоӣ ва экологӣ, баландбардории маҳсулнокии меҳнат, таъмини имконоти якхелаи корӣ, таъмини адолати иҷтимоӣ барои насли имрӯза ва оянда, таъмини фаъолнокии кормандон дар менеджмент.

984. ШУҒЛ ва рушди босуботи башарӣ заминаи хештаншиносӣ — шуғл имкон медиҳад, ки онҳо даромад ба даст оварда, зиндагонии хубро таъмин созанд, шуғл имкон медиҳад, ки ҳар як корманд дониши худро вобаста ба талаботҳои корӣ баланд бардорад, системаи бозори самараноки меҳнати ҳар як давлат имкони ба даст овардани даромадро барои шахсони дорои қобилияти меҳнатӣ пайдо месозад, ташкили системаи самараноки фаъолияти менеджмент, болоравии сатҳи некӯаҳволӣ ва сатҳи мадании мардум ва заминаи хештаншиносӣ.

985. ШУҒЛИ маҳсулнок дар менеджмент — самаранокии меҳнатӣ ва мақсаднокии меҳнат буда, мувофиқи ихтисос қобилияти зеҳнии корманд баланд бардошта мешавад.

986. Бекорӣ — имкони истифодабарии захираҳоро рабуда, сатҳи инкишофро коста ва қобилияти кордонии кормандро заиф мекунад ва хароҷотҳои иҷтимоиро зиёд намуда, суръати инкишофи иқтисодии мамлакатро паст мегардонад.

987. Раванди концептуалии ташаккули хештаншиносии роҳбарӣ — истифодаи
     пайвастаи дониш дар истеҳсолот барои ба даст овардани дониши нав,
     нишонагирӣ ба корманди донишманду босавод, мутахассиси варзида,