ҷавобгарӣ оидӣ натиҷаи фаъолият, интихоби боадолатонаи вазифадорӣ, ғамхории пайваста, имтиёз ва мукофотҳо.

244. Шартҳои мавҷудияти коллектив — мавҷудияти тартиботи меҳнатӣ ва қоидаҳо, олот ва воситаҳои корӣ, ҷои корӣ, реҷаи корӣ, ҳавасмандӣ ва муносибатҳои баланди корӣ.

245. Равияҳои асосии ташкили илмии меҳнат — иҷтимоӣ — рӯҳӣ, техникӣ — технологӣ, иқтисодӣ — молиявӣ.

КИТОБИ ДУВВУМ - ТАШКИЛИ ФАЪОЛИЯТҲОИ МЕНЕҶМЕНТ

246. Этикети расмӣ — рафтори ҳамида дошта, оддӣ будан, соҳибэҳтиром ва тарбияёфта, тозагии симои зоҳирӣ, донишманду ҳунарманд ва хештаншинос будан аст.

247. Талаботи либоси расмӣ — костюми сиёҳ, куртаи сафед ва ё ранги паст дошта, галстуки ба куртаю костюм мувофиқ, пойафзоли сиёҳ, тасмаи ба костюм мувофиқ, мӯи сари бонизом.

248. Дар вақти тановул дар меҳмонии расмӣ — интихоби ҷой, тарзи нишаст, истифодаи қошуқу чангак, дастрӯймол ва гирифтани хӯрок, камхӯрӣ ва камнӯширо омӯзед.

249. Ташкили илмии меҳнати фикрӣ — ташкили фикрронӣ, мустақилият, мақсаднокӣ, манфиатнокӣ, навоварӣ, бомавридӣ, ихтисосмандӣ, сифатнокӣ, мунтазамӣ, натиҷагирии мусбӣ.

250. Қоидаҳои гузаронидани маҷлис — зарурати ҷамъомад, масъалагузории дуруст, замон ва макони маҷлис, баромадкунандагон, шунавандагон, иштироккунандагон, манфиатҳо, қарор ва натоиҷ, давомнокии маҷлис.

251. Хатоҳои менеҷер мувофиқи ақидаи В. Хойер — аз масъулият рӯй гардондан, садди роҳи инкишоф гаштан, тафтиши зиёд кардан, беадолатӣ, бадхоҳӣ, ноҳақӣ, кинагирӣ, бахилӣ, тарсидан аз мушкилиҳо ва донишмандон, худпарастӣ, рафтори нигилизмӣ, дагалӣ, нодонӣ, беғайратӣ ва пургуфторӣ.