Усули иқтисодии роҳбарӣ — ҳисоби хоҷагӣ, ҳавасмандӣ, нархгузорӣ, молиягузорӣ, қарз.

Қоидаҳои ҳисоби хоҷагӣ — мустақилият, худхаридкунӣ, ҳавасмандӣ, ҷавобгарӣ, назорати пулӣ.

Шаклҳои муносибати хоҷагидорӣ — маъмурӣ, ҳисоби хоҷагӣ, пудрати хоҷагӣ, саҳҳомӣ, иҷора, лизинг, франчайзинг.

Шаклҳои нархи мол — истеҳсолӣ, яклухт, чакана, бозорӣ, базавӣ, монополӣ, номиналӣ, шартномавӣ, талаботӣ, нархи рақобатӣ, нархи хариду фурӯш, озод ва ғ.

Омилҳои таъсиррасонанда ба нархи мол — миқдори мол, даромади истеҳсолкунанда, хоҳиши истеъмолкунанда, арзиши мавод, арзиши меҳнат ва ғ.

Мустақилияти молиявӣ — ҷавобгарии корхонаро дар назди моликиятдорон ва коллектив меноманд.

Идоракунии молиявӣ — фаъолияти менеджмент дар истифодаи воситаҳои пулии корхона бо мақсади ба даст овардани фоидаи баланд.

Вазифаҳои идоракунии молиявӣ — интихоб ва истифодаи молиягузорӣ, ҳамоҳангсозии молиявӣ, муайян кардани фоида, баҳои таваккали молиявӣ, ояндабинӣ ва таҳлил.

Мӯҳлати ӯҳдадориҳои молиявӣ — кӯтоҳмуддат — 1 сол, миёнамуддат — 3-5-10 сол, дарозмуддат — зиёда аз 10 сол.

Сарчашмаҳои молиявии корхона — фоидаи корхона, қарзи тиҷоратӣ ва давлатӣ, ширкатҳои кӯмакрасон, ширкатҳои миёнарав.

Иҷораи фондҳои асосӣ — корхонаҳои хурду калон бо мақсади муайян, дар мӯҳлати муайян фонди асосиро ба иҷора мегиранд ва ё месупоранд.

Қарздиҳӣ — фаъолияти мақсадноки менеджмент барои истифодабарии самараноки захираҳои корхона дар тамоми сол.

Сарчашмаҳои асосии қарздиҳӣ — маблағи озоди корхона, пасандозҳо, сармояи бонк, фонди амортизатсионӣ, рентаҳо ва дигар маблағҳо.

Омилҳои қарздиҳӣ — ӯҳдадории қарзгиранда, қобилияти қарзсупорӣ, хислати қарзгиранда, муҳит, боварӣ.