Шаклҳои роҳбарӣ — диктатура (ҳукмфармоёна), мустақилят, муттамарказӣ, демократӣ.

Маданият — аз дастоварди башарӣ ҳисоб ёфта, фақат ба инсонҳо хос аст ва арзишҳои хоси рафтори худро дорад.

Маданияти касбии корманд — маълумотнокии касбӣ, кордонӣ ва ӯҳдабарой.

Одоби муоширати касбӣ — маҷмӯи ӯҳдадориҳои муайян, қоидаҳо ва меъёрҳои рафториро оид ба алоқамандӣ ва муносибатҳои касбию меҳнатӣ, кормандон меноманд.

Дастурҳои одоби муоширати касбӣ — муроҷиат, корчалонӣ, симои зоҳирӣ, маданияти сӯҳбат, пайнавишти корӣ, тӯҳфаҳои корӣ ва одоби сухан, адолатхоҳӣ ва ҳақиқатпарастӣ, некӣ ва накӯхоҳӣ.

Сохтори идоракунии ташкилот — кулли тартиботи мақомоти алоҳидаи идоравӣ, ки дар робита ба зердастон ва иттиҳоди бахшҳои коммукатсионӣ қарор дорад.

Се зинаи мақомоти роҳбарикунандаи ташкилот — идораи умумӣ, идораи хаттӣ, идораи функционалӣ.

Вазифа — дар натиҷаи тақсимоти меҳнат, дар соҳаи идоракунӣ ба вуҷуд меояд ва то замоне амал мекунад, ки ба корманд функцияи роҳбарӣ супорида шудааст.

Нишонаҳои гурӯҳбандии сохтори идоракунии корхона — дараҷаи мураккабии фаъолият, вазифаҳои функционалӣ ва роҳбарӣ, мақсаднокӣ ва дараҷаи марказонидани роҳбарӣ.

Шаклҳои махсусгардонии фаъолияти роҳбарӣ — аз рӯи объектҳо, аз рӯи функцияҳо, мувофиқи мақсад, омехта.

Меъёр ва андозаҳои роҳбарӣ — умумӣ, муайяншаванда, муайянкунанда, баҳодиҳанда.

Омилҳои сохтории роҳбарӣ — ташкилӣ, андоза, гуногуншаклӣ, миқдори зердастон, касбӣ.

Меъёрҳои идоракунӣ — хислати фаъолият, дараҷаи дониш, таҷрибаи роҳбарӣ, тозагии масъала, коммуникатсияи менеҷмент, маданиятнокӣ, ҳудудҳо, мустақилияти роҳбарӣ ва ҳолати рӯҳию физиологии роҳбарон.