Аз соли 1953 «Аэрофлот» ба дастрас намудани радиолокаторҳои назоратӣ шурӯъ кард, ки тавассути имкониятҳои техникии онҳо танзимгарон на танҳо «шунаванда», балки «бинанда» шуданд. Ин дар нимаи дуюми солҳои панҷоҳум, пас аз васеъ ҷорӣ намудани алоқаҳои ултрасадой амалӣ шуд, ки самаранокию сифати мубодилаи радиоиро хеле баланд бардошт. Бо сабаби афзудани парвозҳои ҳавопаймоҳои реактивӣ то соли 1958 зарурати ба таври КУЛЛӢ аз нав ташкил намудани хадамоти ҳаракат ба миён омад. Марказҳои ёрирасони танзимгари минтақавӣ (МЁТМ) таъсис дода шуданд, марказҳои асосии танзимгари минтақавӣ (МАТМ) ташкил карда шуданд, ки ба онҳо вазифаи роҳбарӣ ва назорати ҳаракати ҳавопаймоҳои нақлиётии ҳамаи идораҳо дар роҳҳои ҳавоии СССР дар баландии зиёда аз 4500 метр гузошта шудааст.

Таҷдиди парки авиатсионии ҷумҳурӣ далели рушди босуръати авиасияи тоҷик буд. Нақлиёти ҳавоӣ муҳимтарин воситаи хоҷагии халқ дар ҷумҳурӣ гардид. Авиасияи тоҷик алоқаи доимии нақлиётиро миёни пойтахти ҷумҳурӣ бо ҳамаи нуқтаҳои аҳолинишинии минтақаи баландкӯҳи водиҳои дурдасти Ванҷ, Рӯшон, Шуғнон, Бартанг, Яғноб ва ғайра таъмин намуд, ки ин вақти сафари мусофиронро дар минтақаҳои кӯҳии