ҳавопаймоии граждании Тоҷикистон намояндагони сӣ миллати мамлакати шӯравӣ кор мекарданд. Фарзандони деҳқонони тоҷик ҳавопаймоҳои гуногуни мураккабро идора намуда, парвозҳои мунтазамро на танҳо дар ҷумҳурӣ, балки ба тамоми Иттиҳоди Шӯравӣ анҷом медоданд. Яке аз онҳо Александр Мамараимов буд, ки дар вазифаи командири эскадриляи ҳавопаймоии таъиноти махсус кор карда, баҳрабардории ҳавопаймоҳои Л-200, Ил-14, Ил-18-ро аз худ кард. Мирзо Мастонгулов пас аз хатми омӯзишгоҳи ҳавопаймоӣ ба корхонаи ҳавопаймоии Душанбе ба кор омада, дар хатҳои ҳавоии аз байни кӯҳҳои баланд парвоз мекард. Дере нагузашта, ӯ аввал командири Ан-24 ва баъдтар Ил-18 шуд. Шариф Ибодуллоев, Сироҷ Эшонхонов, Саттор Табаров, Акбар Маҳмудов, Кенҷа Умаров ва бисёр дигарон ҳамсафони онҳо буданд. Дар ҳайати экипажҳои ҳавопаймоҳо Фазлиддин Абдулҳамидов, Аҳмадҷон ва Усмон Қурбоновҳо, Қаҳрамон Қосимов, Марат Каримов, Муҳсинҷон Муҳаммадҷонов ва бисёр дигарон парвозҳоро анҷом медоданд.

Ҳавонавардон бо ибрату ҷасорати беҳамтои худ дар бартарафсозии оқибатҳои офату фалокатҳои табиӣ, ки дар ҷумҳурӣ рух медоданд, иштирок мекарданд. Яке аз ин ҳавонавардон хатмкардаи мактаби миёнаи ноҳияи