қишлоқи Ярчич худаш мустақилона қарор дод, ки ҳавопайморо фуруд орад. Ҳангоми рафтан аз қишлоқ се дарахти калон халал мерасонад. Сокинон зуд он дарахтонро буриданд ва ҳавопаймо парида рафт. Барои ҷасораташ ба ҳавонавард мукофоти калони пулӣ дода шуд.

Пас аз хотимаи Ҷанги Бузурги Ватанӣ барои соҳаи ҳавопаймоии Тоҷикистон давраи кушодани хатҳои нав ба нави ҳавоӣ ба гӯшаю канори Иттиҳоди Шӯравӣ гардид. Соли 1949 парвозҳо ба Боку, соли 1954 ба Минералние Води ва соли 1957 ба Сочӣ оғоз ёфтанд.

28 феврали соли 1960 ба фурудгоҳи Душанбе ҳавопаймои турбовинтии Ил-18 фуруд омад ва ҳамин тавр парвози мунтазами он дар самти Душанбе-Москва оғоз ёфт. Ҳамон солҳо на танҳо ба шаҳрҳои Осиёи Миёна, балки ба шаҳрҳои дури Иттиҳоди Шӯравӣ ба масофаи чанд ҳазор километр парвозҳо сурат мегирифтанд.

Соли 1968 дар хатҳои ҳавоии ҷумҳуриамон ҳавопаймои турбовинтии Ан-24 ва соли 1969 ҳавопаймои реактивии Як-40 ба парвозҳои мунтазам шурӯъ карданд. Барои рушди ҳавопаймоӣ дар Тоҷикистон тамоми ҷумҳуриҳои Шӯравӣ ва пеш аз ҳама Федерацияи Россия аз ҳар ҷиҳат кумак мерасониданд. Дар Раёсати