парвозҳояш бештару масири ҷуғрофияи парвозҳояш васеътар мешаванд. Вале баъдтар бо кӯшишу ғайрат ва масъулиятшиносиву заҳматҳои хеш аз халабони қаторӣ то фармондеҳи ҳавопаймо ва сарфармондеҳи эскадрилияи ҳавопаймоӣ расид, ки ин воқеа дар китоби хотироташ сабт гардидааст.

Маҳз кӯшишу заҳматҳояш буданд, ки ӯ ба ин мартабаи олӣ расида буду кунун аз ба ёд овардани он лаҳзаҳои ҳаёт мурғи хаёлаш ба ҷониби боғи намирандаи хушбахтӣ пар кашида, эҳсоси хурсандии фарогираш мегардад.

Баъдан, Ботур Аҳмедов маҳорати касбияшро дар мамолики Африқо сайқал медиҳад. Зиёда аз даҳ сол дар Кения, Конго, Камерун, Ҳабашистон ва дигар манотиқи ин қитъаи гарму хушк кор мекарду таҷриба меандӯхт. Аз ин ҷост, ки соли 1997 ӯ аввал ҷонишини директори генералӣ шуд ва баъд кордониву маҳорати касбияшро ба инобат гирифта, Директори генералии ширкати ҳавоии «Тоҷикистон» дар шаҳри Хуҷанд таъин мегардад.

• Замони роҳбари корхона таъин шудан вазъи онро чӣ гуна дарёфтед, - пурсидем аз Ботур Аҳмедов.

• Вақте директори генералӣ таъин шудам, корхона дар вазъи ногуворе қарор дошт, - посух дод ӯ. Чун дар