АЗ ҲАЛАБОНИ БОИРОДА
ТО РОҲБАРИ КОРДОН

Комилзода Алӣ Фозил яке аз собиқадорон аст, ки аз соли 1981 то ҳол дар соҳаи авиасияи гражданӣ фаъолият дошта, дар пешравии он нақши калон дорад.

Комилзода Алӣ 21 ноябри соли 1960 дар шаҳри Кӯлоб, дар оилаи коргар ба дунё омадааст. Таҳсилоти миёнаи умумиро солҳои 1967 - 1977 дар мактаби миёнаи таҳсилоти умумии №7 - и шаҳри Кӯлоб гирифта, баъди хатми он шавқу завқи ҳавопаймоӣ ӯро соли 1978 ба Омӯзишгоҳи ҳавопаймоии шаҳри Бугуруслани вилояти Оренбурги Федератсияи Россия бурд. Бале, бисёр одамон орзуи ҳалабон шуданро доранд. Ин тааҷҷубовар нест, зеро ҳалабон будан бонуфуз, ҷолиб ва пурифтихор аст. Аммо ҳалабон будан камбудиҳои худро ҳам дорад. Пеш аз ҳама, ин хатари пайваста дар баландии будан аст. Гап ҳатто дар он нест, ки ҳавопаймо ба иллати иштибоҳи ҳалабон ё мушкили техникӣ суқут карда метавонад. Худи ҷисми ҳалабон метавонад ба он тоб наоварад.

Новобаста аз ин, Алӣ-ака соли 1981 омӯзишгоҳи мазкурро бо баҳои аъло хатм намуда, ба зодгоҳаш шаҳри Кӯлоб омад ва ба фаъолият оғоз намуд. Баъдтар