2. Намуди зоҳирӣ ва сару либоспӯшӣ.
3. Қобилияти баланди зеҳниятон.
4. Тарзи баёну фикрониатон дар ҳама ҳолатҳо.
5. Ба ростқавлӣ ва адолатпарастии Шумо.
   Қори мураббигӣ ҳамон вақт самараи калон медиҳад, ки агар дар асоси арзишҳои волои инсонӣ, ба мақсади ягонаи инкишоф равона карда шуда бошанд.
   Дар чунин як муҳит ҳар як корманд метавонад худро озод, мустақил, дилпурона ҳис намуда, самаранок меҳнат намояд.

33.6. Маслиҳатҳои муфиди Дейл Корнеги1

❖ Ҳар замоне, ки Шумо аз хона мебароед, саратонро баланд гирифта, ҳавои тоза нафас гиреду дӯстонро бо ханда вохӯрӣ намоед.
❖ Ханда хушбахтиро ба хона оварда, накӯкориро дар муносибатҳо пайдо месозад.
❖ Дуруст муроҷиат кардан аз рӯи ному насаб — ин аз ҳама муҳимтар ва ширинтар муомила аст, дар ҳама забонҳо.
❖ Дигаронро хуб гӯш кунед ва шароит муҳайё созед, ки онҳо дар бораи хеш ҳарф гӯянд.
❖ Дар сӯҳбат оид ба мавзӯе сухан гӯед, ки ҳамсӯҳбатро маъқул бошад.
❖ Ҳамсӯҳбатро бовар кунонед, ки дониши ӯ манфиатнок аст.
❖ Дар тамоми давраи сӯҳбат дӯстона рафтор намоед.
❖ Бигузор ҳамсӯҳбататон андеша кунад, ки фикри Шумо ин фикри вай аст.
❖ Роҳи асосии аз баҳс халосӣ ёфтан, даст кашидан аз он баҳс мебошад.
❖ Ба ҳамсӯҳбати хеш ҳеҷ гоҳ нагӯед, ки ӯ ноҳақ аст.

1 Корнеги Д. Как завоевать друзей и оказивать влияние на людей. Ростов на Дону: Изд-во. Феникс.
1996. - 672 с.