Забони фасеҳи тоҷикӣ низ монандӣ ҳамаи забонҳо ҳамвора дар рушду камол аст.

Баҳром Фируз

Ҳар як инсони бомаърифат қабл аз ҳама забони модарии худро бояд ки саҳеҳ донад, дар ин забон озод сухан гуфта ва навишта тавонад.

Баҳром Фируз

Назме, ки ҳам ҳусни мазмун ва ҳам ҳусни алфоз дошта бошад, мисли «Шоҳнома»-и Фирдавсӣ, «Хамса»-и Низомӣ ва «Девон»-и Ҳофиз аст, ки он назми нишотафзо, ваҷдовар ва мусаллами кулл аст.

Мирзо Фатҳалӣ Охундов

Ҳар гоҳ Тоҷикистон бигӯед, мақсуд ҳамон сарзамине аст, ки аз оғоз ориёиёни эронӣ ва форсизабон дар ин ҷо зистаанд, сарзамини асосии забони дарӣ.

Забони дарӣ, яъне забони имрӯзаи мо дар ҳамон навоҳии Осиёи Миёна, ки қисмати умдаи он имрӯз ҷузви Тоҷикистон аст, падидор шуда, сипас ба мағриб ва шимоли Эрон, ки забонаш дар давраи пеш аз ислом забони паҳлавӣ будааст, рафта ва забони саросари Эрон шудааст. Аз ин рӯ, тоҷикон ҳамзабон ва ҳамнажоди мо ҳастанд ва ҳеҷ бегонагӣ бо мо надоранд.

Саид Нафисӣ

Забони форсии тоҷикӣ яке аз лаҳҷаҳои фасеҳи форсист, ки бо забони форсии адабӣ беш аз лаҳҷаҳои дигар қаробат дорад ва бисёре аз луғоти фасеҳи шеваи форсиро, ки назди мо фаромӯш шуда, дар ин кутуб метавон ёфт.

Саид Нафисӣ