БОРОН БОРИД

Борон борид шир-шир,
Гунҷишк парид фир-фир.
Ҷомачааш тар шуд,
Бечора музтар шуд.

Дар баданаш об рафт,
Ду почакаш хоб рафт,
Хӯрда хунук зир-зир,
Гирья намуд чир-чир.

Офтоб, баро, раҳм кун,
Бечораро гарм кун.

ТЕЗГӮЯКҲО

1. Шариф шутур савор шуд.

2. Шаш сабат шафтолу,
   Се сабат себ.

3. Шашсад сангпушти хокӣ —
   Як шоҳсангпушти обӣ.

4. Шаби сешанбе шамол хест.

5. Зариф суруд
   Шӯҳ суруд.

6. Ёли тоям ҷангалёл,
   Пои тоям дорад хол.

7. Чор ҷӯраи боғотӣ,
   Чил чормағзи қоғотӣ.

8. Соҳили Зарафшон —
   зардолузор.

9. Хуррами хаткаш
   Хушхабар овард.