дар ҳамин ҷо 26 сол қабл як моҳ пеш аз маргаш Аҳмад Зоҳир Шаҳнозро нишон дода ба Самади Дор-Дор гуфтааст, ки дилаш гувоҳӣ медиҳад, ки аз дасти ҳамин духтар ба қатл хоҳад расид...

Ҳар чор ҷавон роҳи дараи Салангро пеш мегиранд. Соат тахминан нӯҳи субҳ буд. Мошинро Маҳбубуллоҳ идора мекард. Дар паҳлӯи Маҳбубуллоҳ Шакило, Аҳмад Зоҳир ва Шаҳноза дар курсии қафо нишаста буданд. Ҳамин ки наздики пули Чипрок, ки якуним километр дуртар аз алоқадории Саланг ҷойгир шудааст, расиданд, сари роҳи онҳоро як мошини сабукрави рангаш чун муҳаррики онҳо сурх гирифт. Аз он шахсе поин шуда назди мошини Аҳмад Зоҳир меояд ва ӯро ба берун даъват мекунад. Аҳмад Зоҳир бехабар аз қасди бади ҳамсӯҳбаташ аз мошин мефарояд ва ба дунболи вай меравад. Он шахс ба нохост аз ҷайбаш туфангчаро мебарораду Аҳмад Зоҳирро ба нишон мегирад. Аҳмад Зоҳир чун ин ҳолатро мебинад, ба ӯ ҳамлакунон фарёд мезанад, ки "эй номард, Маҳбубуллоҳи туфанг дорад, маро мепарронӣ, ту чӣ кор кардӣ?" Дар ҳамин лаҳза садои туфанг баланд мешавад. Маҳбубуллоҳ саросемавор аз мошин баромада ба сӯи Аҳмад Зоҳир медавад. Вале Аҳмад Зоҳирро рӯи роҳ афтида мебинад ва худро бо доду фарёд ба болои ӯ ҳаво медиҳад. Бо нолаву зорӣ хоҳиш мекунад, ки Аҳмад Зоҳир аз ҷояш бархезад. Вале ҳайҳот. Чашми Маҳбубуллоҳ ба сӯрохии пешонаи Аҳмад Зоҳир бармехӯрад, ҳамзамон мебинад, ки аз таги сари Аҳмад Зоҳир хун ҷорӣ мешавад. Ӯ аз ҷояш мехезаду ба сӯи ҳамон шахсе, ки Аҳмад Зоҳирро парронда буд, медавад. Ӯро аз гиребонаш мегираду мегӯяд:

• Ориф, чаро ту ӯро куштӣ?