ҳисоби даромадҳо, фоида ва даромаднокӣ;
ҳисоби самаранокии фаъолияти корхона;
ҳисоби истифодаи оптималии захираҳо.

Даромади корхона гуфта даромадҳои молиявӣ аз тамоми намуди фаъолиятҳоро меноманд. Яъне:
даромад аз фурӯши маҳсулот;
даромад аз иҷрои кор ва хизматҳо;
даромад аз ҳисоби фурӯши фондҳои асосӣ ва дигар амволи корхона;
даромад аз фаъолиятҳои ғайрифурӯш;
даромад аз ҳисоби иҷорапулиҳо.

Фоидаи корхона (даромади соф) ин фарқи байни даромадҳо ва хароҷотҳо барои ба даст овардани онҳо мебошад:

Ф = Д-Х

Фоидаи корхона, яке аз нишондиҳандаи асосии андозсупорӣ мебошад, ки баъди андозҳоро аз фоида супоридан, фоидаи соф боқӣ мемонад:

Фс = Ф-Аф

Фоида аз фурӯши маҳсулот, кор ва хизматҳо фарқи байни даромад аз фурӯши молу хизматҳо ва хароҷотҳои истеҳсолу фурӯши мол (кор ва хизматҳо) мебошад:

Ффм = Дфм — Хиф

Фоида аз фурӯши фондҳои асосӣ ва дигар амволи корхона ба фарқи байни нархи фурӯш фондҳои асосӣ ва дигар амвол ва арзиши аввала, ё худ боқимондаи онҳо баробар аст:

Ффф = Нф — На х Иб (1)
Фф = Фф-Нф-Нб х Иб
Иб — индекси беқурбшавӣ

Фоида аз фаъолиятҳои ғайрифурӯш фарқи байни даромадҳо аз ҳиссадориҳо, иҷорапулиҳо ва дигар даромадҳо ва хароҷотҳои ҳамин фаъолиятҳо аст:

Ффг = Дхи — Ххи