ҳуқуқ дорад. Музди кор аз ҳадди ақали музди меҳнат набояд кам бошад. Дар муносибатҳои меҳнатӣ ҳама гуна маҳдудият манъ аст. Барои иҷрои кори якхела музди баробар дода мешавад. Ҳеҷ кас ба меҳнати маҷбурӣ ҷалб карда намешавад, ба истиснои мавридҳое, ки қонун муайян кардааст. Дар корҳои вазнин, зеризаминӣ ва шароити меҳнаташон зарарнок истифодаи меҳнати занон ва ноболиғон манъ аст. Мутобиқи моддаи 5 КМ ҶТ ҳар кас ҳуқуқ дорад бе ягон табъиз ва маҷбуркунӣ меҳнатро озодона интихоб намояд ва ё ба меҳнат озодона ризоият диҳад, ба малакаи худ ба меҳнат ихтиёрдорӣ кунад, касб ва самти фаъолиятро интихоб кунад.

Мутобиқи мазмуни меъёрҳои Конститутсияи Ҷумҳурии Тоҷикистон (моддаи 10) принсипҳо ва меъёрҳои умумиэътирофшудаи ҳуқуқи байналмилалӣ ва шартномаҳои байналмилалии Ҷумҳурии Тоҷикистон, аз ҷумла конвенсияҳои ТБМ, ки Тоҷикистон онҳоро эътироф кардааст, ба низоми ҳуқуқии Тоҷикистон дохил карда шудаанд. Дар ташаккули принсипҳои асосии танзими ҳуқуқии муносибатҳои меҳнатӣ ва дигар муносибатҳои ба онҳо алоқаманд принсипҳои конститутсионӣ, инчунин принсипҳо ва меъёрҳои эътирофшудаи ҳуқуқи байналмилалӣ, инчунин шартномаҳои байналмилалии Ҷумҳурии Тоҷикистон, конвенсияҳои ТБМ нақши муҳим доранд.

Дар маҷмӯъ, моддаи 4 КМ ҶТ принсипҳои меҳнатро чунин муайян кардааст:

• озодии меҳнат;