соҳаи ҳифзи меҳнат нагузаштааст, аз кор дур кунад (моддаи 348 КМ ҶТ). Маблағгузории чорабиниҳо оид ба беҳтар намудани шароити меҳнат ва бехатарии меҳнат аз ҳисоби ҳамаи буҷетҳо ва манбаъҳои ғайрибуҷетӣ мутобиқи моддаи 353 КМ ҶТ тибқи тартиби муқаррарнамудаи қонунҳо ва дигар санадҳои меъёрии ҳуқуқии Ҷумҳурии Тоҷикистон амалӣ карда мешавад. Маблағгузории чорабиниҳоро оид ба ҳифзи меҳнат дар буҷетҳои дахлдор бо сарҳати алоҳида ҷудо карда шуда, мавриди истифода қарор дода мешаванд.

Корманд хароҷоти маблағгузории чорабиниҳоро оид ба ҳифзи меҳнат бар дӯш надорад.

Барои категорияҳои алоҳидаи кормандон дар ҳолатҳои муқаррарнамудаи КМ ҶТ, қонунҳо ва дигар санадҳои меъёрии ҳуқуқӣ кафолатҳои иловагии ҳифзи меҳнат пешбинӣ шудаанд. Тибқи КМ ҶТ корфармо вазифадор аст, ки маҳдудиятҳои ба категорияи муайяни кормандон муқарраршуда, аз ҷумла ҷалби онҳо ба иҷрои корҳои вазнин, кор дар шароити зарарнок ва (ё) хатарноки меҳнат, изофакорӣ ё кори шабонаро, риоя кунад.

Корфармо ӯҳдадор аст кормандонро бинобар вазъи саломатӣ мувофиқи хулосаи тиббӣ ба кори сабуктар гузаронад, инчунин танаффусҳои истироҳатии ба вақти корӣ дохилшударо муқаррар намояд, барои маъюбон шароити кор фароҳам орад, барномаи инфиродии барқарорсозӣ ва чорабиниҳои дигарро анҷом диҳад.