маҷбуркунии кормандро барои иштирок дар корпартоӣ манъ намудааст. Маҷбуркунии бавосита, аз ҷумла дар маҳрум намудани корманд аз иҷрои кор бинобар баргузории корпартоӣ ифода меёбад. Маҷбуркунии барои иштирок кардан ё даст кашидан аз иштирок дар корпартоӣ бо истифодаи зӯроварӣ ё таҳдиди зӯроварӣ ё истифодаи вобастагии шахси маҷбуршуда, ҳуқуқвайронкунии маъмурӣ ба ҳисоб меравад (моддаи 107 Кодекси ҳуқуқвайронкунии маъмурии Ҷумҳурии Тоҷикистон).

Корпартоӣ наметавонад бо мақсади ғайр аз рафъи ихтилофи назар байни кормандон (намояндагони онҳо) ва корфармоён (намояндагони онҳо) сурат гирад.

Ҳуқуқ ба корпартоӣ танҳо ба кормандон дода шудааст. Намояндагони корфармо ҳуқуқи баргузор намудани корпартоӣ ё иштирок дар онро надоранд.

Корпартоӣ одатан бо таваққуфи кор алоқаманд аст.

Кормандон ё намояндагони онҳо метавонанд дар се ҳолат ба корпартоӣ шурӯъ кунанд:

• ҳал нашудани баҳс бо истифода аз расмиёти мусолиҳа;

• иҷро накардани созишномаҳои зимни ҳалли баҳси коллективии меҳнатӣ басташуда, аз тарафи корфармо (намояндаи ӯ) ё намояндагони корфармоён;

• иҷро накардани қарори арбитражи меҳнатӣ аз ҷониби корфармо (намояндаи ӯ) ё намояндагони корфармоён.

Қарор дар бораи баргузории корпартоӣ дар маҷлиси (конференсияи) коллективи меҳнатӣ ё мақомоти намояндагони кормандон бо тарафдории на кам аз се ду