тамоми шароити барои корманд ва корфармо муҳимро дар бар мегирад;

-музди меҳнати корманде, ки бо ташкилоти динӣ ба сифати корфармо шартномаи меҳнатӣ бастааст, ки мутобиқи КМ ҶТ ва қоидаҳои дохилии ташкилоти динӣ "шароити барои корманд ва корфармои зикршуда муҳимро" дар бар мегирад.

13.2. Кафолатҳои асосии давлатӣ оид ба пардохти музди меҳнати кормандон

Ҳангоми таъмини ҳуқуқи кормандон ба пардохти саривақтӣ ва пурраи музди меҳнат, ба кафолатҳои музди меҳнат диққати махсус дода мешавад. Низоми кафолатҳои асосии давлатии музди меҳнат дар моддаи 141 КМ ҶТ муқаррар карда шуда, дар моддаҳои дигари ин Кодекс муфассал танзим шудаанд.

Ин низом кафолатҳои зерини давлатиро дар бар мегирад:

-андозаи ҳадди ақали музди меҳнат дар Ҷумҳурии Тоҷикистон;

-тадбирҳо барои нигоҳдории сатҳи воқеии музди меҳнат;

-маҳдуд кардани нигоҳдорӣ аз музди меҳнат, аз ҷумла ҳаҷми андозбандӣ аз даромад;

-маҳдуд кардани пардохти музди меҳнат дар шакли натура;

-назорати давлатӣ аз болои риояи қонунгузории меҳнат ва дигар санадҳои меъёрии ҳуқуқие, ки меъёрҳои ҳуқуқии меҳнатро дар бар мегиранд, аз ҷумла гузаронидани