ба ташкил ва таъмини истироҳати байнибастӣ бо шартномаҳои соҳавӣ ва коллективӣ ҳал карда мешаванд.

Дар як қатор соҳаҳо давомнокии истироҳат байни ду рӯзи корӣ аз 12 соат кам буда наметавонад. Масалан, чунин танаффуси байнибастӣ (истироҳати ҳаррӯза) барои ронандагони троллейбусҳо муқаррар карда шудааст.

Истироҳати ҳафтаинаи бетанаффус (рӯзҳои истироҳат) вақти холӣ аз кор мебошад, ки аз лаҳзаи ба охир расидани кор дар рӯзи охирини кории як ҳафтаи тақвимӣ то оғози кор дар рӯзи якуми ҳафтаи тақвимии навбатӣ ҳисоб карда мешавад. Давомнокии мушаххаси он аз намуди ҳафтаи кор, ҷадвали баст ва ташкили кор вобаста аст. Дар ҳафтаи кории панҷрӯза ба кормандон ду рӯз ва дар ҳафтаи кории шашрӯза як рӯзи истироҳат дода мешавад. Рӯзи истироҳати умумӣ рӯзи якшанбе аст (моддаи 86 КМ ҶТ).

Рӯзи истироҳати дуюм дар ҳафтаи кории панҷрӯза бо шартномаи коллективӣ ё қоидаҳои дохилии меҳнат (ҷадвали корӣ) муқаррар карда мешавад. Чун қоида, ҳарду рӯзи истироҳат пай дар пай таъмин карда мешаванд. Дар ташкилотҳое, ки боздоштани кор бо назардошти шароити истеҳсолӣ, техникӣ ва ташкилӣ имконнопазир аст ё бинобар зарурати хизмати мунтазами доимӣ ба аҳолӣ, инчунин дар дигар ташкилотҳое, ки истеҳсолоти доимӣ доранд, рӯзҳои истироҳат дар рӯзҳои гуногуни ҳафта ба ҳар як гурӯҳи кормандон дар навбати худ мувофиқи қоидаҳои дохилии меҳнат дода мешаванд, ва дар кори баставӣ бошад тибқи ҷадвалҳои басти корӣ, ки ташкилот