ҳам принципҳои ҳуқуқи давлатӣ ва ҳам ҳуқуқи хусусиро дар бар мегирад.

Илова ба ин ҳуқуқи меҳнат, масъалаҳои марбут ба истифодаи меҳнат, андоза ва дигар паҳлуҳои меҳнатро дар баъзе шоҳаҳои дигари ҳуқуқи Ҷумҳурии Тоҷикистон низ танзим мекунад. Аз ҳама наздиктарин ба ҳуқуқи меҳнат ҳуқуқҳои ҳамҷавори гражданӣ, маъмурӣ ва таъминоти иҷтимоӣ мебошанд. Масъалаи фарқ кардани ҳуқуқи меҳнат аз дигар соҳаҳо аҳамияти назариявӣ ва амалӣ дорад.

Тақсимоти ҳуқуқ ба соҳаҳо ба мавзӯи танзими ҳуқуқӣ асос ёфтааст. Ин маънои онро дорад, ки ҳар як соҳаи ҳуқуқ маҷмӯи муайяни муносибатҳои ҷамъиятии якхелаеро танзим мекунад, ки предмети онро ташкил дода, наметавонанд аз ҷониби соҳаи дигари ҳуқуқ танзим карда шаванд.

Ҳуқуқи меҳнат муносибатҳои меҳнатиро, ки дар ҷараёни меҳнат байни корманд ва корфармо ташаккул меёбанд ва баъзе муносибатҳои дигаре, ки бевосита ба онҳо дахл доранд ва дар моддаи 1 КМ ҶТ пешбинӣ шудаанд, танзим мекунад.

Аз ин рӯ, объекти танзим чун қоида, дар шакли ҷамъиятии меҳнат аст, (фаъолияти инфиродии меҳнатӣ бо ҳуқуқи меҳнат танзим намешавад). Усули танзими ҳуқуқӣ, меъёри иловагии тақсимоти соҳавии ҳуқуқ метавонад усул ва воситаҳои давлатро дар танзими муносибатҳои ҷамъиятии муайян истифода барад: усули баробарии иштирокчиёни ба ҳуқуқи гражданӣ хос, усули