Кори изофакор бояд дуруст ҳуҷҷатгузорӣ карда шавад (бо фармон ё дастури корфармо ва розигии хаттии корманд дар ҳолатҳои пешбининамудаи қонун) ва аз ҷониби корфармо ба ҳисоб гирифта шавад.

Андоза ва шаклҳои ҷуброн барои коркард тибқи моддаи 154 КМ ҶТ муқаррар карда шудааст. Тибқи он ҳар соати кории зиёда аз вақти муқаррарӣ чунин пардохт карда мешавад:

• ба кормандони музди меҳнаташон корбайъ - на камтар аз нархномаи дуқаратаи корбайъ;
• ба кормандони музди меҳнаташон вақтбайъ, инчунин ба онҳое, ки маоши вазифавӣ (мансабӣ) мегиранд - на камтар аз меъёри (маоши) дуқаратаи соатбайъ.

Бо созиши тарафҳо корфармо ба корманде, ки зиёда аз вақти муқаррарӣ кор кардааст, рӯзи дигари истироҳат додан мумкин аст.

Дар ин маврид ба кормандоне, ки дар доираи меъёри якмоҳаи вақти корӣ кор карда, моҳона мегиранд, музди меҳнат илова ба моҳона на камтар аз андозаи якқаратаи ставкаи соатбайъ ё рӯзбайъ ва агар кор зиёда аз меъёри якмоҳа иҷро шуда бошад, музди меҳнат ба андозаи на кам аз ставкаи дуқаратаи соатбайъ ё рӯзбайъ илова ба моҳона пардохт карда мешавад. Барои кори зиёда аз вақти муқаррарӣ, дар рӯзҳои иди ғайрикорӣ ва истироҳат мукофот аз рӯи музди якқаратаи нархномаи вақти корбайъ ё аз рӯи меъёри тарифии якқарата ҳисоб карда мешавад.

Вақти кории ба меъёр гирифтанашуда - реҷаи махсуси корӣ мебошад, ки мувофиқи он кормандони алоҳида метавонанд