1.3. Усулҳои ҳуқуқи меҳнат

Яке аз аломатҳои муҳими ҳар як соҳаи ҳуқуқ усули танзими ҳуқуқӣ мебошад. Усули ҳуқуқ гуфта воситаҳои махсусе (усул, мансуба) фаҳмида мешавад, ки тавассути он давлат қоидаҳои рафтори одамонро ҳамчун иштирокчиёни муносибатҳои танзимшавандаи ҷамъиятӣ муқаррар менамояд.

Бинобар ин вазифаи усули ҳуқуқ, аз ҷумла усули ҳуқуқи меҳнат нишон додани тарзи танзими муносибатҳои ҳуқуқӣ ва воситаҳои расидан ба ҳадафҳои танзими ҳуқуқӣ мебошад. Предмети ҳуқуқи меҳнат ва усули ҳуқуқи меҳнат аз ҳамдигар бо хусусиятҳои хоси усул фарқ карда мешаванд. Вобаста ба ҳудуди васеъ ва мураккабии муносибатҳои ҷамъиятие, ки ҳуқуқи меҳнат танзим мекунад, усулҳои танзими он хусусияти ба худ хос дошта, мазмуни предметро инъикос мекунанд ва рафтори дурусти иштирокчиёни муносибатҳои дахлдорро таъмин мекунанд.

Бо назардошти ин маҷмӯи воситаҳои ҳуқуқӣ (усул, мансуба) вобаста ба хусусиятҳои муносибатҳои меҳнатӣ ва дигар муносибатҳое, ки бевосита бо онҳо алоқаманданд, усули соҳаи ҳуқуқи меҳнатро ташкил медиҳанд.

Хусусиятҳои умумии усулҳои танзими ҳуқуқии муносибатҳои меҳнатӣ ба чунин тарз зоҳир мешаванд:

1. Дар ягонагии асосҳои пайдоиш, тағйир ва қатъи муносибатҳои меҳнатӣ. Ин хусусияти усули ҳуқуқи меҳнат ба озодии меҳнат ва тартиби (усули) шартномавии