ДОСТОНИ ЗИНДАГӢ

(Ба Нуриддини азиз, ки дар 28 солагӣ
азизи Худованд шуд...)

Кӯдак будам, зи боғи сабзи падарам
Гул чида ба ноз шеър мегуфтам ман.
Ҳар субҳ ба ёди шеър бедор шуда,
Ҳар шом ба ёди шеър мехуфтам ман.

Айёми шабоб ошиқи Нур шудам,
Бо шеър ба номи ӯ навиштам нома.
Гум гашт зи байни дафтарам баргаки ишқ,
Дар деҳа вале шуд ишқи мо ҳангома.

Бинвишта будам барои маҳбуби дилам,
Аз меҳру муҳаббатам ба он хуби дилам:
"Бачча - баччае дилма ҳавой кардӣ,
Сандуқи дилма пур ай рубой кардӣ..."