усулҳои молиявӣ, фишангҳои молиявӣ, таъмини ҳуқуқӣ, таъмини меъёрӣ ва иттилоотӣ.

Механизми самараноки менеҷменти молиявӣ барои татбиқи пурраи ҳадафу вазифаҳои дарпешистода имкон медиҳад ва ба иҷрои самараноки функцияҳои идоракунии молиявии корхона мусоидат мекунад.

2.2. Нақши менеҷменти молиявӣ дар идоракунӣ

Дар шароити иқтисоди бозорӣ идоракунии молия вазифаи мушкулу афзалиятноки ҳайати идоракунандаи ҳар корхона ба шумор меравад. Маълум аст, ки соҳаҳои асосии идоракунӣ ин молия, захираҳои меҳнатӣ, маркетингу истеҳсолот ва тадқиқоту коркардҳо мебошанд.

Идоракунии молия дарёфту тақсимоти захираҳои молиявие мебошад, ки барои таъмини фаъолияти босамари корхона лозим ҳастанд. Он дар сатҳи стратегӣ нақши калонтар дорад. Мудирони зинаи миёна ва поён, зимни ҳалли вазифаҳои ҷорӣ ва амалиётӣ, дар қабули қарорҳои молиявӣ камтар иштирок мекунанд ва бештар вобастаи соҳаи мушаххаси фаъолият, масалан маркетинг ва истеҳсолот мебошанд.

Захираҳои молиявӣ, чун унсури асосии баҳисобгирии муҳосибӣ воситаи пайванди байни ҳисоббаробаркунӣ, назорат ва идоракунӣ, инчунин дар байни зинаҳои гуногуни идоракунӣ — аз идоракунии стратегӣ то амалиётӣ — ба ҳисоб меравад.

Менеҷменти молиявӣ мутобиқи мақсаду вазифаҳояш, ҳамчун илм ва фаъолияти амалӣ фаслҳои асосии зеринро фаро мегирад:

Фасли 1. Мавзӯъҳои умумии менеҷменти молиявӣ:

• фаъолияти молиявии ширкат дар муҳит;
• инструментҳо, институтҳо ва бозорҳои молиявӣ;
• ҳисоббаробаркуниҳои молиявӣ ва тиҷоратӣ;
• хатар ва арзёбии он.

Фасли 2. Таҳлил ва банақшагирии умумии молиявӣ:

• арзёбии вазъи ҷории ширкат;
• банақшагирии ҷорӣ ва дурнамои фаъолияти молиявию хоҷагидорӣ;
• идоракунии молиявии ҷории ширкат.

Фасли 3. Идоракунии дороиҳо:

• арзёбии лоиҳаҳои сармоягузорӣ;
• идоракунии активҳои гардон.

Фасли 4. Идоракунии сармоягузориҳои молиявӣ: