-дигар объектҳое, ки фаъолияти сармоягузорӣ дар онҳо тибқи қонунгузории Ҷумҳурии Тоҷикистон манъ карда нашудааст.

2. Намудҳои фаъолияти сармоягузорӣ:

• фаъолияти сармоягузории хусусӣ, ки шаҳрвандон, корхонаҳо, муассисаҳо, ташкилоти ғайридавлатӣ ва дигар сохторҳои Ҷумҳурии Тоҷикистон амалӣ менамоянд;
• фаъолияти сармоягузории давлатӣ, ки мақомоти давлатӣ ва иҷроия, корхонаҳо, муассисаҳо, ташкилоти давлатӣ аз ҳисоби фондҳои буҷетию ғайрибуҷетӣ, воситаҳои худӣ ва қарзӣ амалӣ менамоянд;
• фаъолияти сармоягузории хориҷӣ, ки шаҳрвандон, шахсони ҳуқуқии хориҷӣ, давлатҳои хориҷӣ, созмонҳои байналмилалии молиявӣ, инчунин шахсони бешаҳрвандӣ амалӣ мекунанд;
• фаъолияти сармоягузории муштарак, ки аз ҷониби шаҳрвандон, шахсони ҳуқуқии Ҷумҳурии Тоҷикистон ва давлатҳои хориҷӣ амалӣ карда мешавад.

Таснифоти сармоягузориҳо:

1. Аз рӯи объектҳои сармоягузорӣ чунин намудҳои онро ҷудо мекунанд:
   А. Сармоягузории воқеӣ - гузориши сармоя ба ягон соҳаи иқтисод, ки натиҷааш ташаккули сармояи нав ё афзоиши сармояи мавҷуда (биноҳо, иншоот, захираи молӣ масолеҳ) мебошад.
   Б. Сармоягузории молиявӣ - гузориши сармоя ба саҳмияву вомбаргҳо ва дигар коғазҳои қиматнок.
2. Аз рӯи хусусияти иштирок дар сармоягузорӣ:
   А. Сармоягузории мустақим - шакли гузориши сармоя, ки ба сармоягузор ҳуқуқи бевоситаи моликият ба коғази қиматнок ё амволро медиҳад.
   Б. Сармоягузории ғайримустақим - шакли гузориши сармоя ба ҷуздон, ё, ба ибораи дигар - ба маҷмӯи коғазҳои қиматнок ё арзишҳои молумулкӣ.
3. Аз рӯи давраи сармоягузорӣ:
   А. Сармоягузории кӯтоҳмуддат - гузориши сармоя ба муҳлати на бештар аз 1 сол, масалан, пасандозҳои депозитии кӯтоҳмуддат, харидории сертификатҳои амонатии кӯтоҳмуддат.
   Б. Сармоягузории дарозмуддат - гузориши сармоя ба муҳлати беш аз 1 сол, масалан, саҳмия, вомбаргҳо ва ғайра.
4. Аз рӯи шаклҳои моликият: