АСПИ АЛО

Давидему давидем,

Сари бозор расидем,

Аспи ало харидем,

Аспи ало зин гўяд,

Қамчини нақшин гўяд,

Савори лочин гўяд.

АЗ БОЗОР ЧӢ МЕОРӢ?

- Эй акаи саворӣ,

Аз бозор чӣ меорӣ?

-Як шаддаи марворӣ,

Як кавшаки булғорӣ.

Як куртаяки атлас,

Як камзулаки адрас.

Як тоқии зардўзӣ,

Як рўмоли гулдўзӣ.

АККА

Акка, акка, ало ту,

Думат боло, бало ту.

Қанотакат рахти ту,

Дарахтакон тахти ту.

Акка, акка, пар дорӣ,

Аз ҳар ҷо хабар дорӣ.

Нома аз додар биёр,

Муждаи хоҳар биёр.

СИНФИ 2

САФОИ ОЛАМ

Баҳори хуррам омад.

Сафои олам омад.

Шодии одам омад,

Баҳори нав муборак!

Замин пур аз гиёҳ шуд,

Гули бунафша во шуд.

Лола ба ҳар куҷо шўд,

Баҳори нав муборак!

Дар баҳор борон шавад,

Ғалла ҳам арзон шавад.

Нон фаровон шавад,

Баҳори нав муборак!

САРАК-САРАК

Сарак-сарак сароша,

Ҳалқекои тиллоша.

Мурғак барад пароша,

Дадаш чиҳо биёрад?

Куртаи кимхо биёрад.

Инаша пўшад, мезебад,

Ваяша пўшад, мезебад.

Сарак-сарак сароша,

Мурғак барад пароша.

Дадеш чиҳо биёрад?

Себи ширин бирад,

Гўшти биқин биёрад,

Сарак-сарак сароша,

Мурғак барад пароша.

МУШАК

Мушак-мушак, дандон бидеҳ,

Хирмани гул, майдон бидеҳ.

Гандум бидеҳ, кўчӣ кунам,

Ордак бидеҳ, кулча кунам.

Тухмак бидеҳ, дандон кунам,

Дандонаки сандон кунам.

Чормағз бидеҳ, чақ-чақ кунам,

Писта бидеҳ, чиқ-чиқ кунам.

БУЗАК

Ҳаво, ҳаво, ист, ист,

Бузи калам нест, нест.

Бузи калам дар айлоқ,

Ҳайфи хурмаҳои қоқ.

Бузи калам дар бармол,

Тоҷи сараш сафедмол.

Боло мерам, меғўтам,

Поён мерам, меғўтам.

Ҳайфи корсон қурутам,

Калбузаки нобудам.

ЧИЛ АСПИ БАБОР ОМАД

Аз боло ғубор омад,

Чил аспи бабор омад.

- Аспҳоро куҷо бандем?

- Дар беди қатор бандем.

- Қамчина куҷо монем?

- Дар шохи чинор монем.

Шохи чинор канда шуд,

Бибиниёз банда шуд.

Бибиниёз- чўби хушк,

Кокулонаш бўи мушк…

ДЕВОРАКА КОФТЕМ

Деворака кофтем,

Сўзанака ёфтем.

Сўзанаки кӣ бошад?

- Сўзанаки Назокат!

Назокатҷон – гули боғ,

Зулфаконаш пари зоғ.

Зулфакоша бофтем,

Паси гўш партофтем.

СЕ ДУХТАРАКОН

Се духтаракон будем,

Лолачинакон будем.

Давидему давидем,

Ба ҷўи нав расидем.

Ҷўи нава обаш нест,

Дугонема хобаш нест.

Як хол дорад дугонем,

Ду хол дорад дугонем.

Се сол боз надидем,

Чӣ ҳол дорад дугонем?

ДАР ТАГИ АНҶИР

Таги анҷир суфча,

Суфачаба намадча,

Намадчаба кўрпача,

Кўрпачаба Шафоча.