Сайругашт

Модар аз писар мепурсад:

• Дар куҷо будӣ?
• Бо саг сайругашт кардам.
• Мо саг надорем, бо кадом саг?
• Мо дар кӯча бо ҳам шинос шудем.

Саги зӯр

Яке бачаи шотландӣ сагашро таъриф карда мегӯяд:

• Саги ман зӯртарин саг аст. Ҳар субҳ вай барои ман рӯзнома меорад!
• Ҳамин ҳам гап шуд, - мегӯяд ҳамсояаш, - ҳар саги омӯхта метавонад ин корро кунад.
• Медонам, аммо ман ба ягон рӯзнома обуна нестам.

Боварнокарданӣ

Кова аз Аҳмад мепурсад:

• Аҳмад, чаро як пойпӯшат сиёҳу дигараш сурх аст?
  Аҳмад ҷавоб медиҳад:
• Бовар намекунӣ, Кова, аммо ман хона рафтам, ки иваз кунам, дар он ҷо ҳам айнан як пойпӯши сиёҳу як сурх буд...