Дарвоз гардиду марде аз даҳлез баромад.
Шапалак Бобо Алеся одамонро аз ин пеш ҳам дида буд. Медонист, ки онҳо на ҳамеша ба шапалакҳо меҳрубонанд. Гоҳе вохӯрӣ бо онон дар думбол бадбахтиҳо низ дорад. Боре як духтарак бидид, ки шапалак рӯи Ғули Бобуна нишасту рӯи онро бо домҳалта гуппас пӯшонданӣ шуд. Вале натавонист. Баъд тамоми маргзорро аз паси шапалак тай кард.

Дар даҳлез домҳалта дида намешуд. Бобо Алеся аз боли шапалак-Шоҳаншоҳи чӯбин дур шуд, сӯи долон парвоз кард ва рафта-рафта рӯи панҷараи болохона нишаст.

• Кӣ ҷуръат карда ин ҷо омадааст? Мебинам, ки гулшапалаке аз гурӯҳи Титово, - гуфт худ ба худ он Олим. - Домҳалтай ман куҷост?.. На домҳалта ҳасту на кулоҳам! Бахтат хандид, бошандаи Титово!.. Ту парвоз макун! То ки дуруст ба ту наззора созам!.. Охир, Шумо бечораҳо хеле кам мондаед дар рӯи Замин. Ҳаслам даҳ сол аст, зоти шуморо ман ҳеҷ пайдо накардам, то ки дар оини дороиҳоям нигоҳ дорам!..

Шапалак Бобо Алеся ба чизе сарфаҳм нарафта, тез-тез болу пар афшонд. Ба Худаш чунин вонамуд гардид, ки ин корро бисёр ба