БО ТУ

Бо ту бошам, эй Ватан,
Дучандон ғайрати ман.
Домани қорат гирам,
Ҳам сари борат гирам.
Бо ту манам паҳлавон,
Қорам аст аз дилу ҷон.
То набинад касе ғам,
То набинад дасти кам.
Дар Ватан бо ифтихор
Рӯзу шабам паси кор.
Дилсӯзу меҳрубонам,
Ин Ватанро нишонам.
Бар хидматаш ғузорам,
Ҳар хидмате, ки дорам.

ТИФЛИ ДАРЁ

Обаки шӯхи чашма
Чун тифли беқарор аст,
Аз фарози кӯҳистон
Ба дарё раҳсипор аст.

Дарё ба чашма бошад
Чун модари меҳрубон,
Дар бар гирифта ӯро,
Барад ба сайри ҷаҳон.