*Ба майзада як пайса хайр кардан гуноҳ аст.

*Дар сармои қаҳратун хунук назанад гуфта, ҳар ду гўшашро бурид.

*Аз кор мондани дил мурдан аст, аз кор мондани майна аз мурдан бадтар.

*Фарқи зану мард фақат дар байни по нест.

*Ягона шоир аз ноҳия буд. Ба номаш фермаи мурғпарвариро ниҳоданд. Зеро як вақтҳо дар он ҷо кор мекард.

• Ду нафар харидор назди кундафурўш омаданд.
  Аз яке пурсид:
  -Кундаро барои чӣ мехарӣ?
  Гуфт:
  -Барои ҳезум. Хонаам сард аст. Кўдаконам хунук
  хўрданд. Метарсам, ки касал шаванд.
  Аз дигаре пурсид:
  -Ба ту кунда барои чӣ лозим?
  Гуфт:
  -Косахонаи дутор метарошам.
  Ба вай фурўхт.

*Харидоре ба гўштфурўше нидо кард:
-Эй! Калла дорӣ?!

*Гуфтанд, ки эстрадаи ҷавонро дар лаби ҳавз ба навор мегиранд.
Қурбоққаҳо шуниданду лаб фурў бастанд ва аз хиҷолат сар даруни ҷомаҳо кашиданд.

*Вақти гусел гуфт:
-Тоб хўрда боз биёед…