Манучеҳр шӯрбо оварда, сари Юсуфро бардошта, лаби косаро ба он дошт. - Ман нав аз ҳолат огоҳ шудам. Амон хабар дод, - гуфт, овозаш меларзид.

Юсуф шӯрборо як бор ошомиду сулфааш гирифт ва шикамашро дошта, нолиш “бас, намехӯрам” гуфт.

Чернов Манучеҳрро бо ишора дуртар бурда пурсид:

• Арақ мехӯрад?

Манучеҳр ба ишораи “не” сар ҷунбонд. Ва илова кард: - Табиб дида истодааст, ки ҳолаш хуб нест.

• Вай табиб ин гуна ҷароҳатҳоро надидааст. Як пиёла арақро пур кунед, маҷбур диҳед. Тавонед, ду пиёла диҳед, фоида дорад. Доруи иштиҳо гӯй.

Чернов лаби оташдони назди хона чой гирифт. Чойҷӯши Муҳаммадшариф дар ҷӯш аст. Муддате гузашт, кабоб оварданд.

• Ин гӯшти гӯсфанде, ки Манучеҳр харидааст, - гуфт Загорский ва ба ман нигарист. - Худаш куҷо рафт? Мепурсидем, ки пулашро дод ё баъди нестӣ медиҳад?

Муҳаммадшариф як пиёла рӯғани таги кабобро назди Чернов гузошт.

• Александр-ака, ҳаминро нӯшед, то пагоҳ хунук намехӯред.

• Худат ҳам менӯшӣ?

• Ман аввал бо чой ташнагиамро мешиканам.

Бештари сарбозҳоро баъди хӯрок зуд хоб бурд.

Чернов ба Загорский фармуд, ки дар атроф посбон монад.

• Александр Николаевич, дар чунин аҳвол кӣ ба ин ҷо меояд? Хоб бошанд, намеистанд.

• Ман ба хирс кор надорам,- Чернов шинели дар китфаш партофтаро рост кард. Низомнома посбон мон мегӯяд, вассалом. Ӯ атрофро чарх зад. Ба назар нарасад, ки сафедии барф шабро рӯшан кардааст. Аз ҷониби ҷангале, ки дар тарафи рости ағба доман паҳн кардааст, ҳар гуна садоҳо шунида мешаванд. Аз тарафи он ҷо шамол сахт мевазад. Ҷанговарон назди оташ гурӯҳ-гурӯҳ ба ҳам дигаргуҳ шудаанд, баъзеҳо дароз кашидаанду баъзеҳо сӯҳбат доранд. Ду-се гурӯҳ дар девори хонаҳо хобанд. На парвои шамол доранд, на парвои замини сард. Дар ширини ҷавонӣ бар ҳама чиз пирӯз гаштааст. Дар гӯшаи дигар чанговар солманд оҳиста ва ба навбат аз шаҳрҳое, ки тасарруф карданд, воқеаҳо, ҷойҳо рӯйдода ва аз хуторҳошон гуфтугӯ доранд. Дар давраи дигар баъзе ҷангҳои бо генерал Дутов кардаашон ва оқибати кораш, ки гӯё ба се ҳазор кас ба Чин гурехта он ҷо аз гуруснагӣ азобу азият мекашидаанд, сӯҳбат мерафт. Полки мусулмонӣ (он ҷо бештар бухороиҳоянд) дар кунҷи ҳота ҷо гирифтаанд. Онҳо бо овози баланд гуфтугӯ мекунанд. Ҳезум фаровон, оташ забона мекашад. Чернов қадамашро суст карда ба сӯҳбаташон гӯш медиҳад.

• Бовар кунед, ними армияи амир бухороиҳоянд.

• Ҳама гурезаю аламдорҳо ҷамъ шуда ба ҷанг омадаанд. Писари амаки Абдулазиз Шоҳмуродро дар пайраҳои охири ағба дидам, ки салла печон мегурезад. Ба пояш нишон гирифта андохтам, нарасад.

• Чаро ба пояш? Ба тахтапушташ мезадӣ. Зани ҷавонаш бева мемонд, - (меовоз механдад) Кошки дар Бойсун ба дастам афтад.