САРСУХАН

Дар лаҳзаҳои хурсандиӣ аз олимон, мутахассисон, одамони касбу кор, ҷинс ва синну соли гуногун аксар вақт ақвол, муколамаҳо, ҳикояҳои ғайримуқаррарӣ ҷолибро шунидан мумкин аст, ки ҳар яки моро бе табассум гузошта наметавонанд. Аз ин ҷиҳат, чунин маҷмӯаҳо, аз қабили «Математикҳо ҳазлу шӯхӣ мекунанд», «Физикҳо ҳазлу шӯхӣ мекунанд» ва ғайра эътироф ва шуҳрати умумро ба даст овардаанд.

Аммо, мутаассифона, дар чунин соҳаи муҳими фаъолияти мо, ба монанди демография, чунин нашрия вуҷуд надорад. Зимнан, зиндагии ҳаррӯзаи мо, хоҳ дар хона, хоҳ дар коргоҳ, хоҳ дар кӯча, хоҳ дар дақиқаҳои фароғат ва ғайра бо далелҳои шодмонии марбут ба соҳаи демографияи оила ва ҷомеа саршор аст.

Дар маҷмӯаи мазкур бори аввал ҳикояҳо ва муколамаҳои демографие ҷамъоварӣ карда шудаанд, ки дар тӯли 30 соли охир дар матбуоти даврӣ ба нашр расида, дар радио ва телевизион пахш шуда, аз нақлҳои ҳамсӯҳбатон, аз маводи фолклори мардумии тоҷик, аз эҷодиёти мураттиб оварда шудаанд, ки мураттиби маҷмӯаи мазкур бо онҳо шинос буд.

Фикри нашри ин гуна маҷмӯа ба демографи машҳур, профессор А. Я. Боярский тааллуқ дорад. Аммо дар зиндагиаш имконияти татбиқи ин ғоя набуд. Бо мурури чандин сол ва ба қадри ҷамъ шудани маълумот, мо имрӯз ин маҷмӯаро барои хонандагони худ бо забони тоҷикӣ пешкаш мекунем.

Шояд профессор Боярский А.Я. ғояи худро ба тариқи дигар амалӣ мекард. Ин нашри аввал аст. Дар оянда маҷмӯаи мазкур дубора интишор шуда, пурра гардида, такмил дода мешавад, то барои одамон табассум бахшад.

Ба ҳамаи ин рафиқон арзи сипосу миннатдорӣ баён карда, ба ҳамкории минбаъда дар чунин соҳаи муҳим ва нави фаъолият, ба монанди «Ҳазлҳои демографӣ » умедворем.

Ҳаёт – ин илм аст,

Зиндагӣ бошад, - санъат.

Бояд бо санъат зиндагӣ кард. С. Исламов